Les mots surlignés font l'objet d'une note
1Monsieur, jay receu celle quil vous a pleu mescripre du vingt ung du
2passé. Jay faict tenir l’autour à monsieur de La Coste. Nous sommes
3tous en bonne santé, la grace à Dieu. Je croy que vous avés receu deux
4precedantes, car je ne laisse perdre une seule occasion sans vous donner
5peyne à lire mes lettres, ce que je continueray à mesure que les occasions
6sy offriront. Je receuz hier des lettres de madame de Gordes qui se porte
7divinement bien. Quant au mariage don il estoit question pour le
8regard de monsieur de Bayanne et de ma seur, les choses en sont encor
9en assés bons termes. Nous scaurons en brief à quoy l’on en sera. Dieu par
10sa grace conduyra le tout sil luy plaict. On ne parle en ce pays que
11du prochain retour de monseigneur de Nevers, lequel doibt arriver à Marseille
12de jour à autre. Pour ne scavoir autre chose qui merite vous escripre,
13salueray voz bonne sgraces par mes très humbles recommandations, priant
14notre seigneur vous donner
15monsieur, en prosperité, très heureuse et longue vye. De St. Gervays, ce
16premier jour de septembre 1571
17votre très humble filz et plus afectionné serviteur
18hourche